جوبا ماقساتى - ءبىلىم بەرۋ جۇيەسىندەگى سىبايلاس جەمقورلىقتى جويۋ, ءبىلىم بەرۋ جۇيەسى ارقىلى سىبايلاس جەمقورلىقتى جالپى قابىلداماۋ ءۇشىن جاعداي جاساۋ جانە دە ەلىمىزدىڭ ءبىلىم بەرۋ مەكەمەلەرىندە وزىق تاجىريبەنى ودان ءارى پايدالانۋ ءۇشىن پيلوتتىق باعىتتاردى ىسكە اسىرۋ نەگىزىندە قۇرىلدى. بۇل تۋرالى اگەنتتىكتىڭ اۋماقتىق دەپارتامەنتى باسشىسىنىڭ ورىنباسارى قايرات بايگەباەۆ جانە ۋنيۆەرسيتەتتىڭ پرورەكتورى اقىلبەك احمەتوۆ ايتتى.
ءوز كەزەگىندە, اۋماقتىق دەپارتامەنتپەن قازاقستان تەڭىز ۋنيۆەرسيتەتى اراسىندا جوبانى ىسكە اسىرۋ بويىنشا مەموراندۋمعا قول قويىلىپ, وبلىس اۋماعىنداعى جوعارعى جانە ورتا ارناۋلى وقۋ ورىندارىنىڭ تاراپىنان جوبانىڭ جاۋاپتى تۇلعالارى بەكىتىلدى.
ال, «ادالدىق دۇكەنىنىڭ» اشىلۋ ماقساتى – ستۋدەنتتەر مەن جاستاردىڭ بويىنا ادالدىق قاسيەتتەرىن ءسىڭىرۋ, ولاردى ادالدىققا جانە ادەپتىلىككە باۋلۋ بولىپ تابىلادى.
ياعني, كەز-كەلگەن ستۋدەنت ساتۋشىسى بولمايتىن اتالعان دۇكەننەن وزىنە قاجەتتى تاۋاردى بەلگىلەنگەن قۇنى بويىنشا ءتيىستى باعاسىنا ساتىپ الىپ, اقشاسىن ارنايى قويىلعان كاسساعا وتكىزەدى. وسىلايشا, ەشبىر قاداعالاۋشىسى جوق دۇكەننەن قاجەتتى زاتىن ساتىپ العان ستۋدەنت قۋلىققا نەمەسە قياناتقا جول بەرمەي, ءوزىن ادالدىققا جانە ادىلدىككە تاربيەلەي الادى.
الداعى ۋاقىتتا وسىنداي ءىس-شارالار وبلىسىمىزدىڭ وزگە دە جوعارعى جانە ورتا ارناۋلى وقۋ ورىندارىندا جالعاسىن تاباتىن بولادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
